AULA DE 4º E.I. 

Boas familias! Estes días estamos ultimando algunhas cousiñas que nos quedan por rematar.

• Manualidade con cunchas, que foi o último reto do curso: fixemos uns marcos de fotos chulísimos.

• Tamén aproveitamos as cunchas para traballar a motricidade fina e a coordinación óculo-manual facendo mandalas.

• Tivemos a visita duns poliños moi especiais. Moitas grazas á familia de Einar, encantounos telos na nosa aula!!

• Como todos os días fixemos reconto das novas plantas de xirasois que van saíndo...

• Trasvases coas boliñas de xel. Duraron pouco, pero o xogo foi intenso!!

• Preparamos as portadas dos traballos do 3º trimestre cunhas técnicas moi especiais: primeiro pintamos sobre papel de aluminio, despois pulverizamos un pouco de auga e por último pusimos unha cartolina enriba e xa obtivemos a nosa obra de arte. Unha vez seco fixemos un pouquiño de maxia xa que enchíamos a cartolina de area, dicíamos as palabras máxicas e "tachán", aparecía o noso nome!!!

• Preparamos as bolsas para levar todo o material. Canto traballiño!!

• Arte libre!!! Non puido quedar máis fermoso...

• 
  
  
• Subimos ao ximnasio a xogar libremente!!

E isto é todo de momento. Xa queda moi pouquiño para rematar, pero aproveitaremos para xogar e estar xuntos ata o último segundo!