CUMPREANOS DE IRAILA

 Hoxe, Iraila, cumpríu 5 anos. Que maior xa!!!!! Esperamos que o pase fenomenal.🍰🎈🎈🎉

AULA DE 3 ANOS

Nos últimos días na aula de 3 anos seguimos traballando coa temática de inverno. Algunhas actividades foron as seguintes:

•  Facemos a nosa propia obra de arte!! Trátase dunha paisaxe invernal, con cores invernais e sobre un soporte especial: papel de aluminio!!

• Grafismo creativo de inverno. Quedaron unhas luvas moi fermosas!

• 

Outras actividades foron:

• Motricidade fina con botóns!!

• Actividade de conteo con bloques lóxicos na asemblea, e con fichiñas de cores na mesa de luz.

• Seguimos facendo xogos cos nosos nomes. Neste caso consiste en bailar ao ritmo da música por toda a aula, e cando esta se detén, temos que buscar o noso nome e poñernos enriba del.

Tamén tivemos unha mensaxe de Igrexiño pedíndonos axuda. Que ilusión nos fixo!!

SEMANA EN 6º DE E.I.

Esta semana seguimos coas nosas rutinas de traballar mediante propostas:

Fixemos uns copos creativos utilizando bastonciños e pompóns!

Traballamos a lóxica matemática utilizando un boneco de neve e pompóns. Cada gorro tiña un número que tiñamos que ir cambiando e coas pinzas colocábamos tantos pompóns como nos indicaba o número.

Troquelamos copos e despois os pegamos no rectángulo. Tiñamos que poñer tantos como nos indicaba o número.

Despois de traballar estas semanas coas tarxetas do vocabulario de inverno, esta semana creamos as palabras sen mirar con letras de madeira para despois correxilas utilizando a tarxeta correcta. Finalmente escribimos estas palabras nun folio ao lado de cada imaxe.

E para rematar coas propostas elaboramos un copo utilizando formas xeométricas.

Ademais das propostas fixemos outras actividades como...

Experimentamos cun material novo que son unas ventosas que teñen diferentes formas. Primeiro fixemos construccións con elas e despois colocamos números na pared e puxemos debaixo tantas como nos indicaba o número. Foi moi divertido!

Esta semana utilizamos moito a mesa de experimentación!! Nun lado tiñamos auga e no outro area. A area primeiro a utilizamos para realizar letras, palabras.... e a auga para facer trasvases. Despois puidemos xogar libremente con estes elementos utilizando os animais! Que ben o pasaron!!

Seguindo coa auga, fixemos un experimento/reto!! Tiñamos que decir cantas gotas de auga creiamos que podían entrar nunha moeda! Despois puxémonos mans a obra para investigalo e para iso utilizamos unha pipeta!! Habia que controlar moito as mans e ter moito coidado!!

Tamén traballamos sobre a recta numérica. Primeiro a montamos e despois utilizando as pedras de cores puxemos debaixo tantas como indicaba o número que nos tocou!

Pouco a pouco vamos ampliando as nosas rutinas da asamblea e dando mais importancia a lóxico matemática e a lecto escritura!

E... volvimos recibir unha nova carta do noso amigo Igrexiño solicitando máis axuda!! E estivemos traballando nela!

Que teñades unha boa finde e vémonos a próxima semana desfrutando do entroido!!

A clase de 4 anos

 Esta semana seguimos a realizar un montón de actividades, aquí vos deixo algunha mostra do que estamos a facer.

XOGO DINOSAURIOS

Tiñamos un tablero con números, tirábamos un dado e onde cadrara tiñamos que facer o que mandaban: andar de puntillas, a catro patas...Moi divertido.

CON QUE LETRA EMPEZAN?

Colocamos os debuxos no seu lugar correspondente, na letra pola que empezan.

CADRO DE INVERNO

Quería que me representaran unha paisaxe de inverno. Canta imaxinación.😅

NÚMERO 5

Pegamos 5 botóns no número 5

O REY U.

Esta semana levaron a coroa do REY U. Espero que vos gustara.

ATA A PRÓXIMA SEMANA

ORDES DO MECO

 Un ano máis , non queremos deixar de celebrar co alumnado o entroido, aínda que este ano sexa diferente.

Comezamos a celebración coas ORDES DO MECO deste ano:

DÍA DA PAZ EN EDUCACIÓN INFANTIL

Hoxe día 30 de Xaneiro conmemórase o Día Escolar da Non Violencia e da Paz. Este ano en Educación Infantil non puidemos xuntarnos para facer unha actividade todos xuntos, pero o venres festexámolo cada un na súa aula cunhas pombas que quedaron moi bonitas! Esperamos vos gusten!

Dende Infantil dicimos NON a violencia!

5º EDUCACIÓN INFANTIL

 Ola familias!!

Outra semana máis de traballo, nesta semana traballamos o día da paz, a letra u, maiúscula e minúscula, un pouco o inverno e como sempre un conto. Para rematar fixen neve artificial, pero esta vez utilizando outros materiais. 

XOGO I,U

Neste xogo o alumnado tiña uns debuxos  que pegaban no lugar correspondente, según levara letra i ou u.

EL REY U

Escribimos a letra U.

CONTO: "FEROZ E MAULLÍN"

Xa que esta semana celebrábase o día da paz, aproveitei a traballar un conto sobre esta temática. Como sempre os debuxos preciosos.

O INVERNO.

Puzzle con paixase de inverno. Traballase a motricidade fina, o recortado e o pegado.

NEVE ARTIFICIAL

Esta semana fixen outra vez neve artificial pero utilizando outros materiais: maizena e crema suavizante para o pelo. Pasáronno fenomenal.

SEGUIMOS CÓ INVERNO EN 6º DE E.I.

Outra semana máis as nosas propostas están relacionadas có inverno. Esta semana para empezar a ser máis autónomos elixen eles que proposta queren facer cada día. Deben ir ao moble das propostas e coller a bandexa e teñen como normas que deben ordear ao rematar e non poden facer a mesma dúas veces  na semana! Gústalles moito ter responsabilidades como os  maiores.

As propostas que tiñan preparadas esta semana foron:

Realizamos grafismos creativos nunhas manoplas!! Nunha bolsilla tiñan tarxetas con diferentes grafos: liñas, curvas, puntos, ondas... Debían coller unha destas tarxetas cós ollos pechados e realizar esas formas que nelas aparecían nun dos ocos das manoplas! Pasáronno moi ben realizando esta actividade. Remataban cando todos os ocos quedaban cubertos e despois as recortaban e as utilizamos para decorar a aula.

Esta semana a lectoescritura traballámola utilizando unhas tarxetas de inverno. Nelas aparecía unha imaxe e tres palabras. Debían colocar unha pinza na palabra que se correspondía có debuxo!

Outra proposta consistía en observar moi ben unha lámina e descubrir que copo non era igual aos do resto da súa fila. Traballamos moito a atención porque tiñan que fixarse moito para saber cal era o intruso.

Practicamos a realización das sumas de forma divertida. Tiñamos que axudar a un pingüín a descubrir cantos peixes comía e para iso tiñamos o seguinte material: o pingüín, unhas cestas de números, os números de madeira, uns dados, uns peixes vermellos, uns peixes azuis e unha lámina de suma en vertical. Tiraban os dous dados e un deles correspondíase co número de peixes vermellos e o outro có número de peixes azuis. No cadrado vermello da lámina de sumas colocaban o número de madeira que lles marcaba o dado correspondente e facían o mesmo có azul. Fixándose nestes números, debían saber cantos peixes azuis e vermellos tiñan que colocar nunha caixiña, para despois contar este número de peixes totais. Finalmente no resultado da lámina colocaban o cesto có número total da suma dos peixes.

E a última das propostas consistía en ordear os números de menor a maior e contar cantos copos había en cada tarxeta. Debían colocar cada tarxeta de copos debaixo do seu número correspondente.

Ademais esta semana convertimos a mesa de luz nunha mesa de inverno que nos vai acompañar durante unhas semanas. Para iso puxemos nela un boneco de neve cuns complementos que poden utilizar para vestilo. Aquí poden ir a divertirse ao rematar a proposta!

Esta semana foi un pouco especial porque a adicamos principalmente ao traballo do proxecto e estivo relacionada có día da paz que se celebra o día 30 de xaneiro. Para iso utilizamos o conto "Palabras con corazón". Gústoulles moito e con él comprendimos a importancia que teñen as palabras que dicimos.

Para traballalo falamos de palabras bonitas  e despois realizamos unha actividade que consistía en que un compañeiro se sentara diante de todos e que lle foramos dicindo palabras bonitas sobre o que nos gustaba del. Tamén con este libro falamos do importante que sería utilizar máis palabras bonitas para que sempre teñamos paz. Dixemos palabras que nos recordan a paz e escribimos cada un unha palabra nunha pomba.

Como estas palabras saen do noso corazón, escoitamos o corazón dos nosos compañeiros utilizando un estetoscopio. Foi moi divertido!

Xogamos a un xogo con copos de diferentes tamaños, formas e cores. Ordenamos estes copos de maior a menor e de menor a maior. Tamén utilizamos unhas tarxetas que nos indicaban que tipo de copos deberiamos coller en función do seu tamaño, forma ou cor.

Non nos olvidamos de seguir coas nosas rutinas do traballo da táboa do 100 e das decenas con paos. pompóns, coa recta numérica...

E finalizamos coa decoración das ventás cós copos que realizamos coas botellas que trouxeron das casas quedando asi:

Que teñades unha boa fin de semana!